Fin de curso!

Chegou o momento, o final do noso primeiro curso no “cole dos maiores”. Toca facer balance, e este non podería ser máis positivo. En primeiro lugar darvos as grazas a vós familias,por un lado pola vosa colaboración e as magníficas aportacións ao noso traballo diario, e por deixarnos ser partícipes da educación dos vosos fillos e fillas.
Por outra banda grazas a vós meus pitiños azules por facerme disfrutar deste marabilloso  curso, compartindo  comigo os voso sorrisos, ledicia e agarimo, e tamén os vosos choros e enfados, que tamén houbo....
Desfrutade moito das merecidas vacacións e pasade un moi no verán!

”Todos los aprendizajes más importantes de la vida se hacen jugando”

(Francesco Tonucci)

VÉMONOS EN SETEMBRO!

Festival Fin de Curso!

Chega o momento de dar a coñecer o cartaz do festival de fin de curso, e como non, de convidarvos á actuación dos vosos fillos e fillas.

Esperámosvos o xoves 20 de xuño.

Parabéns!

Este venres celebramos o cumple dos nenos e nenas que están de aniversario no verán. Moitas felicidades Xue, Lidia e Mateo, a merenda estaba boísima. En pouco tempo acolleredes en anos aos vosos compañeiros e compañeiras que xa teñen 4.

Cabaliño de Pao!

O pasado venres fomos de visita ás instalacións de “Cabaliño de Pao” centro ecuestre onde Ofelia, Raúl e Xerardo nos recibiron cos brazos abertos. Foi unha experiencia marabillosa onde desfrutamos cos cabalos Chispa e Sira e dun fermoso paseo polo “Paseo dos Namorados”.
Todos os pitiños azules montamos a cabalo, camiñamos pola beira do río Xunco, foi un día xenial!

O noso horto!

Que ledicia da ver que o noso traballo produce os seus froitos! Esta mañá recollimos unhas deliciosas fresas do horto de infantil e uns bos repolos. Que lles fixemos? Pois as fresas non puidemos resistirnos a probalas, e os repolos foron directos á cociña para que Lourdes, Paz e Fina os preparen e todo os nenos e nenas do comedor poidan  degustalos.

Moitas grazas Inés pola túa paciencia e agarimo e por ensinarnos tanto!

Pinto o Mundo de Cores!

Aproveitando tanto o día da poesía como  as actividades da Microrrede da Mariña, os nenos e nenas da clase dos azuis traballamos o poema “Pinto o Mundo de Cores”, xogamos, decoramos, recitamos,... e o resultado foi fermoso. Deixámosvos o resultado para que o desfrutedes.

Vermes de seda!

Os nosos vermiños seguen medrando, estamos esperando impacientes a que fagan o seu casulo. Como comen! Están devorando todas as follas que lles botamos, polo que se queredes colaborar e tedes preto algunha moreira achegádenos unhas folliñas para que coman. Mentres tanto nos seguímolos coidando con moito agarimo!